Ég er starfandi kennari í leikskóla og húsvörður í íþróttahúsi. Ég hef alltaf getað skrifað og haft þann draum að skrifa bók og gefa hana út, síðan ég var lítil. Svo gerðist bara lífið.
Núna hefur draumur minn ræst og mun vonandi halda áfram að rætast.
BÓKIN · 2026
Þrjár menntaskólastúlkur glíma við afleiðingar kynferðisbrota og geta ekki treyst á dómskerfið til að finna réttlæti. Þær leita því leiða handan rúms og tíma og særa fram veru til að senda á gerendur sína. En fljótlega missa þær alla stjórn á þessu sem þær vöktu upp, með hryllilegum afleiðingum.
Ég hef stundað ritlistarnám undanfarin ár og er að klára núna í haust. Ég kynntist Sæunni ritstjóra í sameiginlegum kúrsi ritlistar- og ritstjórnarnema þar sem gefin var út bók í lokin.
Í framhaldi af því fékk ég Sæunni sem ritstjóra að bók sem ég hafði gengið með lengi. Hún kom mér upp úr hjólförunum og bókin kom út!
BÓKIN · 2023
Sitthvað af konu minni hverri
Þetta er viðtalsbók. Viðtöl við 35 konur, fæddar á 100 ára tímabili, sem allar eiga það sameiginlegt að hafa búið á Eyrarbakka. Markmiðið með bókinni var að draga fram og sýna fjölbreytt störf kvenna og daglegt líf þeirra.
María Karen Sigurðardóttir (1969) er fædd og uppalin á Akranesi. Hún byrjaði ung að skrifa og hlaut meðal annars viðurkenningu á framhaldsskólaárunum fyrir ljóðagerð sína. María Karen lærði vélsmíði á Akranesi og er forvörður frá Konunglega listaháskólanum í Kaupmannahöfn og stjórnsýslufræðingur frá Háskóla Íslands.
Skrifin veita mér frelsi til að búa til heima sem hafa verið til á einhvern hátt. Það besta er að á fullorðinsárum mínum gef ég mér leyfi til að skoða heimana frá öðru sjónarhorni; leyfi fjarlægðinni að glæða þá nýju lífi.
BÓKIN · 2026
Forvarsla minninganna
Rósa María Þóra Guðmundsdóttir (1917-2010) átti reyfarakennda ævi framan af. Hún var ættleidd af efnuðum hjónum og tilheyrði efri stétt Reykvíkinga á þriðja og fjórða áratug tuttugustu aldar.
Hér skrifar María Karen skáldævisögu um líf ömmu sinnar og notar til þess allsérstaka nálgun. Hún lagðist í nákvæmar rannsóknir á híbýlum Rósu í Reykjavík og á Akranesi og leiðir svo lesanda af mikilli natni og frásagnargleði um hvert herbergið á fætur öðru, alla leið neðan úr kjallara upp á háaloft.
Þessi rannsóknaraðferð kallar fram sögu hlutanna, tilfinningar og minningar, bæði hjá Rósu og höfundi sem bjó lengi í nálægð við ömmu sína á Akranesi. Hugrenningartengsl sem þessi opna á fjölskyldusögur með öllum sínum boðaföllum sem íslenskt samfélag gekk í gegnum á tuttugustu öld. Frásögnin spannar að mestu tímabilið frá 1917 til 1983.
Áhugarithöfundur sem hefur gefið út eina bók, lokið við kvikmyndahandrit og er með drög að fleiri bókum í vinnslu.
BÓKIN · 2025
Brot úr sögu ættar og jarðar í eina öld
Jörðin Hraun í Ölfusi hefur verið í byggð síðan á landnámstíð. Hið minnsta fimm þjóðleiðir fara um hlaðið á Hrauni og því hafa fjölmargir ferðalangar komið þar við, þegið kost og gistingu. Jörðin liggur á mörkum Ölfusfora í austri en sandauðnar í vestri. Hafa þessar andstæður bæði valdið búsifjum en einnig veitt hlunnindum til ábúenda Hrauns í gegnum tíðina.
Í bókinni er fjallað um fjórar kynslóðir sem hafa búið á Hrauni frá miðri nítjándu öld en sama ætt hefur yrkt jörðina síðan 1835.
Sagan snýst að mestu um Karl Þorláksson (1915-1995) bónda á Hrauni en einnig er brugðið upp skemmtilegum myndum af fjölskyldu, vinum og samferðafólki. Fjallað er um búskaparhætti, menn og málefni á lifandi hátt. Fjölmargar ljósmyndir, kort og teikningar styðja við frásögnina.
Ég er hjúkrunarfræðingur að mennt og hef starfað sem slík allan minn starfsaldur. Eftir starfslok fór ég í skapandi skrif og bókin er afrakstur af því.
BÓKIN · 2024
Bókin samanstendur af smáprósum, örsögum og ljóðum.
Í bókinni Skóhljóð birtir Ingibjörg Kristín Ingólfsdóttir hugleiðingar um lífið og tilveruna.
Hjálmar Þór Jensen lærði Kínversk fræði og ritlist við Háskóla Íslands og sýpur nú seyðið af þeirri ákvörðun. Lindarbrandur er hans fyrsta skáldsaga. Það bað enginn um hana en nú er skaðinn skeður. Hann sér sjálfur ekki eftir neinu.
BÓKIN · 2023
Í týndri veröld, í miklum skógi, nálægt afskekktu þorpi …
Þar hefur Lindarbrandurinn staðið fastur í svörtum steini svo árþúsundum skiptir. Þegar sverðið hverfur svo með dularfullum hætti bendir allt til þess að Malena hafi tekið það en hvert fór hún? Og af hverju?
Það fellur í hlut Rúnu, keðjureykjandi og vandræðalega beinskeytt amma Malenu, að halda út í heim að leita hennar. Með í för er líka Hervar gamli, fyrrum málaliði sem hélt nú að hann væri kominn á eftirlaun.
Því hver ætti annars að finna hana Malenu, ef ekki þau?
Ég heiti Hafdís Helgadóttir, næringarfræðingur, kennari og rithöfundur. Ég er höfundur barnabókanna Ævintýri Petru papriku og Petra paprika og innrásin. Ég hef sérstakan áhuga á næringarfræðslu barna og því hvernig hægt er að miðla upplýsingum um líkamann og næringu á einfaldan, jákvæðan og skemmtilegan hátt. Á Instagram deili ég reglulega fróðleik og hagnýtum ráðum um næringu fyrir börn, unglinga og fullorðna.
BÓKIN · 2024
Petra paprika lendir á ókunnugum stað og fer í ævintýraleiðangur að leita svara hvers vegna hún endaði þar. Hún kemst fljótt að því að þessi staður er lítill bær sem kallast Líkaminn. Þar kynnist hún alls kyns furðuverum sem allar hafa sitt hlutverk. Petra paprika lærir ýmislegt um orku og næringarefni í leiðinni.
Mun Petra paprika finna tilgang sinn?
BÓKIN · 2025
Enn á ný skyggnumst við inn í ævintýraheim Petru papriku og litríku matvælanna. Ógn steðjar að Líkamanum og mikilvæg skilaboð frá Ónæmiskerfinu berast á Heilsustofnun Líkamans. Petra paprika og félagar þurfa að bregðast hratt við. Bókin er ríkulega myndskreytt og textinn hentar yngstu lesendunum vel. Líkt og í fyrstu bókinni er markmiðið að sameina skemmtilega sögu og fræðslu um næringu og heilsu.
